Alex Eala nakakuha ng wild card sa Abu Dhabi Open

NAKAPASOK si Alexandra “Alex” Eala sa pangunahing paligsahan ng Abu Dhabi Open matapos makatanggap ng wild card entry.

Ang Filipina ay unang nakalista bilang qualifier, ngunit kinumpirma ng WTA 500 tournament ang kanyang pagsali sa pangunahing paligsahan Huwebes.

Gaganapin ang Abu Dhabi Open agad pagkatapos ng Philippine Women’s Open, na magtatagal mula Enero 26 hanggang 31.

Kabilang din sa pangunahing paligsahan sina Jelena Ostapenko, Leylah Fernandez, Victoria Mboko, at ang defending champion na si Belinda Bencic.

Dumating na siya sa Maynila para sa unang WTA 125 tournament sa bansa, kung saan siya rin ay binigyan ng wild card entry.