DISCO FOREVER (D4E), isang gabing ‘di malilimutan sa March 21, 2026 sa Solaire

Ni NONIE V. NICASIO

ANG selebrasyon ng Golden Era ng Sayaw sa Maynila ay muling binubuhay. Ibinabalik ng DISCO FOREVER (D4E) ang diwa ng disco sa pamamagitan ng pagdiriwang sa musika, sayaw, at kulturang nagbigay-kulay sa dekada ’70, ’80, at ’90.

Nagbibigay-pugay ang Disco Forever (D4E) sa mga mananayaw at performers na humubog sa disco movement sa Pilipinas—mula sa mga alamat na dance groups at artists na nagdala ng disco sa sentro ng entertainment.

Pinangungunahan ni Ms. Miles Obra ang pagbabalik ng ginintuang panahon ng sayaw. Ayon kay Miles, “This show is my way of giving back and honoring the journey. Disco Forever (D4E) celebrates the memories, friendships and the passion for dance that continues to inspire new generations.”

Ito ay gaganapin sa The Theater at Solaire sa March 21, 2026 – 8:00 ng gabi. Ang ticketing partner nito ay ang TicketWorld (ticketworld.com.ph). Ito ay for the benefit ng Dance Advocates Network for Collaborative Empowerment.

Ang Disco Forever (D4E), showstoppers of the 70’s, 80’s and 90’s ay isang malaking live dance concert na ihinahandog ng B & B House of Talents and Events Management Corp. sa pangunguna nina Mr. Raoul V. Barbosa at Ms. Cecille T. Bravo ng Intele Builders and Development Corporation, PCSO, SB Clinic, at ni Ms Lynn Bautista.

Sa aming panayam kay Ms. Cecille, inusisa namin kung bakit after producing films, Disco Forever naman ang sinunod niya?

Tugon niya, “The upcoming Disco Forever dance concert is actually the first jump of B&B House of talents into a major concert production. It is headed by me and my dearest bestfriend Mr. Raoul Barbosa together with his partner Jeffrey Dizon and my children, who are also enthusiastic about the arts. We hope that we can introduce a different class of show productions and talent management which could set us apart from the others. And this is where we would like to continue our focus as of the moment.”

Anyway, layunin ng event na ito na ipagdiwang ang mga icon at performance powerhouses na nagbigay-buhay sa tatlong hindi malilimutang dekada. Dito ay muling sisikat ang entablado habang magsasama-sama ang mga showstoppers mula sa iba’t ibang henerasyon para sa isang gabi ng makapigil-hiningang musika, sayaw, at aliwan sa isa sa mga pangunahing performance venues sa bansa.

Higit pa ito sa isang palabas. Isa itong pagpupugay sa kultura. Isang pagbuhay muli sa ritmo at galaw, at isang pagdiriwang sa ginintuang panahon ng disco.

Tampok sa puso ng pagtatanghal ang trailblazer na si Ms. Miles Obra, kasama ang kanyang grupo na Miles & The Pacesetters, na maghahatid ng kahanga-hangang pagtatanghal sa entablado. Ang kanyang presensya ang nagbibigay inspirasyon sa buong produksiyon, na magsasama-sama sa mga dance icon upang lumikha ng isang gabing hindi malilimutan.

Ito ay directed by Flo Reyes at kabilang sa featured performers sina Ms. Geleen Eugenio, The Aldeguer Sisters, Pia Moran, at Yvonne Salcedo. Bahagi naman sa powerhouse dance legends na magtatanghal ang Swing Duos, Vicor Crowd, Vicor Dancers, Dyna Dancers, Dyna Company D, Alpha Colours, Wea Dancers, at marami pang iba.

May special participation dito sina Ima Castro, Tess D. Smith, at The Boyfriends. Front act performers sina Janah Zaplan, Klinton Start, Bravo’s Angels, at Sephy Francisco.

-30-