HIGIT P5.1-M KUSH, NASABAT NG BOC-NAIA SA CMEC, NAI-TURNOVER NA SA PDEA

On May 14, 2026

Makikita ang mga iligal na drogang nakumpiska ng BOC-NAIA mula sa CMEC.

Advertisers

Nasabat ng Bureau of Customs – Ninoy Aquino International Airport (BOC-NAIA) ang walong parcels na naglalaman ng hinihinalang marijuana o “kush” na may halagang P5.11 million at ito ay nai-turnover na sa Philippine Drug Enforcement Agency (PDEA).

Sa kanyang ulat kay BOC Commissioner Ariel Nepomuceno, sinabi ni NAIA District Collector Atty. Yasmin Mapa na ang nasabing parcels na dumating mula sa iba’t-ibang lokasyon sa United States sa pagitan ng November at December 2025, ay nasabat sa Central Mail Exchange Center (CMEC) matapos makitaan ng mga palatandaan ng ‘concealment and misdeclaration’ sa routine examination at profiling procedures.

Ani Mapa, ang nasabing shipments ay ‘falsely declared’ bilang ordinaryong items gaya ng desk calendars, wall calendars, books, tracksuits, cotton shirts at shorts. Kasama sa intercepted shipments ay parcels na naka-consign sa mga recipients sa Cavite, Laguna at Misamis Oriental.

Natagpuan ng awtoridad ang 3,407 gramo ng marijuana kush na nakatago sa parcels. Ang mga kumpiskadong droga ay nagkakahalaga umano ng ?5,110,500.

“The confiscated parcels were formally turned over to the PDEA for chemical analysis, case build-up and the filing of appropriate charges for violations of Republic Act No. 9165, otherwise known as the Comprehensive Dangerous Drugs Act of 2002, in relation to the Customs Modernization and Tariff Act (CMTA). The operation underscores the bureau’s continued vigilance against the use of international mail and cargo channels for the unlawful importation of prohibited substances,” ani Mapa.

Tiniyak niya na sa ilalim ng gabay ni Commissioner Nepomuceno, ang BOC-NAIA ay patuloy sa maigting na anti-illegal drug operations at pagpapalakas pa sa customs enforcement efforts bilang suporta sa direktiba ng administasyon na tiyakin ang ‘secure borders, lawful trade and public safety’.

“The BOC efforts are in line with the directive of President Ferdinand R. Marcos, Jr. to intensify the government’s campaign against illegal drugs while strengthening border security and trade enforcement measures,” dagdag pa ni Mapa. (JERRY S. TAN)