P3.43-M HALAGA NG SHABU KUMPISKADO NG BOC-NAIA SA CMEC, CLAIMANT ARESTADO
Advertisers
Nasabat ng Bureau of Customs – Ninoy Aquino International Airport (BOC-NAIA) ang dalawang inbound parcels na naglalaman ng 505 grams ng suspected methamphetamine hydrochloride o shabu, na may halagang P3.43 million, sa examination na isinagawa nitong June 16, 2026 sa Central Mail Exchange Center (CMEC).
Sa kanyang ulat, sinabi ni BOC-NAIA District Collector Atty. Yasmin Obillos-Mapa na ang parcels ay sinuri matapos ma-flag sa customs screening and risk assessment procedures. Sa isinagawang physical inspection ay nakita ang hinihinalang illegal drugs na nakatago sa shipments.
Ayon kay Mapa, nakipag-ugnayan ang BOC personnel sa Philippine Drug Enforcement Agency (PDEA), NAIA Inter-Agency Drug Interdiction Task Group (NAIA-IADITG) at iba pang concerned authorities para sa pagsasagawa ng testing, inventory at case documentation.
Isang claimant na tumanggap umano ng parcels ang hinuli at nai-turnover sa awtoridad para sa kaukulang imbestigasyon at pagsasampa ng kaso.
“The seized substances tested positive for methamphetamine hydrochloride or shabu. Appropriate charges are being prepared for violations of Republic Act No. 9165, otherwise known as the Comprehensive Dangerous Drugs Act of 2002, in relation to relevant provisions of the Customs Modernization and Tariff Act (RA 10863),” ani Mapa.
“The operation supports the directive of President Ferdinand R. Marcos Jr. to strengthen border protection and intensify the government’s campaign against illegal drugs and other forms of smuggling,” dagdag pa ni Mapa.
Pinuri naman ni BOC Commissioner Ariel Nepomuceno ang coordinated efforts ng BOC-NAIA, PDEA, NAIA-IADITG at partner enforcement agencies sa pagpigil ng pagpasok ng mga iligal na droga sa bansa.
“Under the leadership of Mapa, the bureau continues to strengthen its enforcement and inspection capabilities through close coordination with partner agencies, contributing to the BOC’s campaign to enhance border security and prevent the entry of illegal drugs and other contraband,” ani Nepomuceno. (JERRY S. TAN)