Chiz tinanggihan Senate President Pro Tempore post
Advertisers
ISINIWALAT ni Senador “Chiz” Escudero na tinanggihan niya ang alok na maging Senate President Pro Tempore, at inirekomenda si dating Senate President Tito Sotto para sa posisyon.
Aniya, isang miyembro ng majority bloc ni Senate President Win Gatchalian ang lumapit sa kanya.
Ani Escudero, wala siyang interes sa naturang posisyon.
“Sabi ko, hindi ako interesado, hindi ko kailangan. Kung sinong may gusto, ibigay nalang sa kanya. At iminungkahi ko nga si dating Senate President Sotto,” pahayag ni Escudero sa kanyang podcast na ‘Chiz Wiz Channel’.
“Sa tinagal-tagal niya [Sotto] sa Senado, siya na yata pinakamatagal sa Senado ngayon eh. Hindi pa siya naging Senate president pro tem,” dagdag niya.
“Para sa akin, gusto niya, hindi ko naman gusto, hindi namin kailangang pagtalunan o pag-agawan. Maluwag sa dibdib kong binigay sa kanya ‘yun dahil hindi ko naman kailangan, hinihiling o hinahangad ‘yun,” saad pa niya.