Gilas Pilipinas vs New Zealand

UMAASA ang coach ng GILAS Pilipinas na si Tim Cone na magagamit ng koponan ang kanilang dalawang panalo sa friendly games sa totoong laban kapag hinarap nila ang New Zealand ngayong Biyernes sa Auckland, New Zealand.

Ginulpi ng pambansang koponan ang mga NBL pro club teams na Manawatu Jets at Franklin Bulls ngayong linggo bilang bahagi ng kanilang paghahanda para sa ikatlo at huling yugto ng FIBA World Cup 2027 Asian Qualifiers.

Napanalunan ng Gilas ang laban kontra Manawatu, 92-61 noong nakaraang Linggo, bago rin nila talunin ang Franklin, 94-66.

Ang dalawang propesyonal na koponan ay naglalaro sa NBL ng New Zealand.

Sa parehong malalaking panalo, umupo si naturalized player Justin Brownlee para makapagpahinga, dahil kakalabas lang niya sa nakakapagod na seven-game PBA Commissioner’s Cup title series, kung saan tinanggal ng Ginebra sa trono ang TNT.

Fil-American big man na si Mike Phillips ay hindi rin nakasali sa laro laban sa Bulls matapos manganas ng kanyang bukung-bukong laban sa Jets.

Target ng Gilas ang isang malaking panalo sa kanilang salpukan laban sa New Zealand, kung saan inaasahan ng pambansang koponan na maraming Pinoy ang manonood at aayudahan sila sa Spark Arena.

Pagkatapos ng New Zealand, pupunta ang Gilas sa Perth para harapin ang world no. 6 na Australia, na tinalo ang Pilipinas ng 93-66 noong Pebrero sa SM Mall of Asia Arena.