Laban ni Eala at Pegula sa finals ipinagpaliban, itutuloy Martes

DAHIL sa tuloy-tuloy na ulan, ang final na laban ng Filipino tennis ace na si Alex Eala at world No. 3 na si Jessica Pegula sa WTA 500 Mubadala D.C. Open na naantala ay ipagpapatuloy Lunes ng 12 ng tanghali sa Washington, Martes ng hatinggabi, Agosto 4 sa Maynila.

Nahuhuli si Eala kay Pegula, 0-1, matapos ang unang set (4-6), pero may lamang na 2-1 sa laro sa ikalawang set sa William H.G. FitzGerald Tennis Center Stadium Court.

Orihinal na nakatakda sa Lunes ng hatinggabi, Agosto 3 sa Maynila, naantala ang pagsisimula ng laro ng tatlong oras dahil sa ulan.

Nang makuha ni Eala ang 2-1 na kalamangan sa ikalawang set, bumalik ang ulan at muling huminto ang laro.

Sinikap na patuyuin ang mga korte pero patuloy ang pag-ulan, kaya napilitan ang mga organizer na ipagpatuloy ang laro kinabukasan ng tanghali ng 12 na, na alas-dose ng hatinggabi sa Maynila.