BOC, NAKASABAT NG P3.15-M HALAGA NG ECSTASY; CLAIMANT, ARESTADO

Nasabat ng Bureau of Customs sa Ninoy Aquino International Airport (BOC-NAIA), kasama ang Philippine Drug Enforcement Agency (PDEA), ng parcel na may 743 grams of suspected raw ecstasy na nagkakahalaga ng P3,157,750.

Sa ulat ng tanggapan ni BOC-NAIA District Collector Atty. Yasmin Mapa, ang pagsabat ay ginawa sa Central Mail Exchange Center (CMEC) nitong September 25, 2026.

Nagresulta ang operasyon sa pagkakadakip ng claimant na lumutang sa EMS Window upang kunin ang parcel.

Ani Mapa, ang parcel na dumating mula Canada noong September 15 ay idineklarang naglalaman ng mga bag at backpacks, children’s clothing, chocolates at confectionery, kids’ toys, supplements, footwear, shoes at slippers.

Nang suriin, nadiskubre ng Customs personnel ang suspected illegal drugs sa loob ng shipment.

“Further details will be released as they become available,” anang BOC. (JERRY S. TAN)