335 FOREIGN STUDENT APPLICATIONS, NAI-SERVE NG BI SA CEBU; DAVAO EXPANSION, MINAMATAAN
Advertisers
NAKAPAGSILBI ang Bureau of Immigration (BI) ng 335 foreign student applications sa dalawang araw na BI Service Day nito noong October 15–16, 2026 sa G Mall, Cebu City, kung saan nakinabang ang mga mag-aaral mula sa pitonghigher education institutions.
Pinangunahan ng Foreign Student Desk (FSD) at Alien Registration Division (ARD) chief Atty. Jake Licas, ang aktibidad ay isinagawa sa pakikipag-ugnayan sa BI Cebu District Office at bilang pagsuporta sa commitment ni President Ferdinand R. Marcos, Jr. para sa abot-kamay at efficient government services.
Ani Licas, ang naturang aktibidad ay nakapag-proseso ng on-site approval ng 9(f) student visa applications, kasama na ang conversions, extensions at consulate-issued visas, pati na ang paglabas ng Alien Certificate of Registration Identity Cards (ACR I-Cards) sa mga kwalipikadong mag-aaral.
Ang mga participating institutions ay ang Cebu Doctors University, Gullas College of Medicine, Indiana Aerospace, Matias H. Aznar Memorial College of Medicine, Southwestern University, University of San Carlos at University of Southern Philippines Foundation, Inc.
Ang mga estudyante ay umabot ng 19 nationalities, kung saan Indian nationals ang pinakamarami.
“Following the Cebu initiative, the BI is considering replicating the service caravan in Davao City and holding it annually during the first-semester enrollment period, so as to accommodate the growing service needs of foreign students and participating educational institutions,” ani Licas.
Aniya, ang aktibidad ay naglalayong ilapit ang immigration services sa foreign students at educational institutions. (JERRY S. TAN)