Eala No.6 sa U23 player ng WTA

LUMITAW ang pambato ng Pilipnas na si Alex Eala bilang rank No.6 sa mga players under 23 ng Women’s Tennis Association (WTA) sa season ng 2026.

Si Eala, na nagtapos ng season sa kanyang career-best na ika-15 na posisyon sa kabuuan, ay tinapos ang na may 2,392 puntos.

Nagtapos ang 21-anyos na si Eala sa likod nang 19-anyos na si Mirra Andreeva, 22-anyos at Coco Gauff, 22-anyos na si Linda Noskova, 22-anyos na si Diana Shnaider, at 18-anyos na si Iva Jovic.

Pinangunahan ni Andreeva na ika-3 sa mundo ang U23 na grupo na may 6,306 na puntos.

Tatapusin pa nga ng Russian na manlalaro ang season bilang ika-2 sa mundo matapos makarating sa final ng WTA Finals.

Pang-apat sa mundo si Gauff (5,763), ikawalo si Noskova (4,343), ika-11 si Diana Shnaider (3,238) at ika-13 si Jovic (2,941) ang bumuo sa top 5 na WTA U23 players para sa 2026 season.

Pinangunahan ni Eala ang kanyang pinakamahusay na taon sa kanyang unang pangunahing Tour title sa 500 D.C. Open, na naging kauna-unahang Pilipinong manlalaro na nanalo ng WTA title noong Agosto.

Ilang linggo bago sa Hulyo, naging kauna-unahang Pilipino si Eala na nakarating sa ika-apat na round ng Wimbledon matapos talunin si Iga Swiatek, 7-6(9), 6-2.

Nakuha rin ni Eala ang kanyang pangalawang 125-tier na titulo sa Birmingham Open noong Hunyo.

Sa parehong buwan, umabot ang left-handed na manlalaro sa semifinals ng 500 Berlin Open.

Ang pagtatapos sa quarterfinal sa 1000 Dubai Open at ang pag-abot sa round of 16 sa ibang 1000 events tulad ng Toronto, Miami, at Indian Wells ay malaking tulong sa top 15 na ranking ni Eala.

Kakatapos lang ni Eala ng kanyang season na may runner-up finish sa 250 Hong Kong Open noong nakaraang linggo.

Magsisimula ang Pinay tennis trailblazer na si Alexandra “Alex” Eala ng kanyang WTA 2027 season sa isang pagbabalik sa ASB Classic sa Auckland, New Zealand.

Gaganapin ang 250-tier na torneo mula Enero 4 hanggang 10.

Noong nakaraang taon, nakarating si Eala sa semifinals ng parehong singles at doubles (kasama si Jovic) sa torneo.