Advertisers

Advertisers

Speaker Dy nanawagan ng pagkakaisa sa pagsusulong ng people-centered ASEAN

0 44

Advertisers

 

Nanawagan si House Speaker Faustino Dy III sa mga mambabatas sa Southeast Asia na palakasin ang pagkakaisa sa rehiyon at gawing kongkretong aksyon ang mga batas upang matiyak ang isang mapayapa, maunlad, at people-centered na ASEAN.

Ginawa ni Dy ang panawagan sa pormal na pagbubukas niya nitong Miyerkules ng ika-47 General Assembly ng AIPA. Siya ang pangulo ng ASEAN Inter-Parliamentary Assembly (AIPA) ngayong taon.



“We meet under the theme, ‘Parliaments Securing a Peaceful, Prosperous, and People-Centred ASEAN.’ I want to speak to you this morning about what it will take to live up to those words, and why I believe this Assembly can help us achieve them,” sabi ni Dy.

Ayon sa lider ng Kamara dapat ipakita ng mga mambabatas ang kahalagahan ng pagtutulungan ng mga pambansang lehislatura sa pagharap ng rehiyon sa mga banta sa kapayapaan, palawakin ang mga oportunidad sa ekonomiya, at matiyak na mapakikinabangan ng mga ordinaryong mamamayan ang mga benepisyo ng regional integration.



“As parliamentarians, we are the guardians. We keep it alive every time we pick up the phone to reach a counterpart across the border, every time we disagree in this hall and yet part as friends,” sabi ng lider ng Kamara.

Para sa kaunlaran ng rehiyon, hinimok ni Dy ang mga mambabatas na suportahan ang ASEAN Community Vision 2045 sa pamamagitan ng mga batas, pampublikong pamumuhunan, at mas mahigpit na pagbabantay upang matiyak na makikinabang sa paglago ng ekonomiya ang mga magsasaka, manggagawa, maliliit na negosyo, at kabataan.



Iginiit ni Dy na ang pag-unlad para sa lahat ang layunin ng ASEAN.

“And parliaments hold the tools to deliver it: laws that open markets fairly, budgets that build roads, ports, and schools, and oversight that ensures the benefits reach those who need them most,” dagdag nito.

Nanawagan din si Dy ng mas mahigpit na pagtutulungan ng mga parliyamento upang tugunan ang mga umuusbong na digital threat kabilang ang cybercrime, disinformation, mga panganib sa privacy, at mabilis na development ng artificial intelligence.

“Protection that stops at one border cannot protect us for long. Our parliaments must therefore learn from one another and move forward together: on cybersecurity, consumer protection, the responsible use of AI, and extending connectivity to the last village still waiting for it,” sabi ni Dy.

“Governments sign regional agreements. Parliaments translate them into laws, provide the necessary funding, and hold their implementation to account. When parliaments are involved from the beginning, ASEAN’s commitments become reality,” dagdag pa nito.

Hinimok din ni Dy ang mga mambabatas na kumuha ng inspirasyon mula sa mga tangkay ng palay na makikita sa sagisag ng ASEAN.

“We can remain eleven separate stalks each bending alone or stand together as one bundle that no storm can ever break,” dagdag pa ng lider ng Kamara. “The strength of our unity lies in our shared resolve. And together, there is no challenge we cannot face.”(Henry Padilla)