Pastor patay sa ambush

NASAWI sa pamamaril ang isang lider ng isang sektang Kristiyano sa Barangay San Isidro, Koronadal City, South Cotabato nitong Linggo, August 6, 2023.

Kinilala ang biktima na si Pastor Juanito Verbo Policios.

Sa ulat, sakay ng kanyang motorsiklo ang biktima nang pagbabarilin ng dalawang lalaking magkaangkas sa motorsiklong nakabuntot sa kanya.

Kaagad nasawi si Policios sa tama ng bala sa iba’t ibang bahagi ng katawan.

Ayon sa mga kaibigan at kamag-anak ni Policios, una nang nakaligtas ang biktima sa pamamaril ng hindi kilalang mga lalaki dalawang taon palang ang nakakalipas.