Deboto ng Itim na Nazareno inoobligang magsuot ng face mask ‘pag nagtungo sa simbahan ng Quiapo

Hinihikayat ng pamunuan ng Simbahan ng Quiapo, ang mga debotong makikiisa sa kapistahan ng Poong Itim na Nazareno na magsuot pa rin ng face mask.

Ito’y upang maiwasan na magkahawaan ng sakit lalo na’t hindi pa rin nawawala ang COVID-19.

Sa isinagawang media-con para sa Nazareno 2024, ipinaalala ng pamunuan ng Simbahan ng Quiapo sa mga deboto na magsuot ng face mask.

Partikular ang mga papasok sa loob ng nasabing simbahan gayundin sa labas at paligid.

Para maiwasan naman ang siksikan, gagawing isa ang pasukan habang ang magkabilang-gilid ng simbahan ang papalabas.(Jocelyn Domenden)