RASON NG KRONI

Hindi pa nagtatagal sa pwesto ang pamahalaan ni Boy Pektus rumaragasa sa kakalsadahan ng negosyo ang may pinakamalaking ambag sa kampanya ng kumandidato sa panguluhan. Walang malay si Mang Juan sa mabilis ng pagtakbo ng negosyo subalit kinaiinisan ang pagtaas ng singil sa buwanang bayarin sa tubig. Walang magawa kundi bayaran ang konsumo sa nabangit na pangangailangan at baka maputulan at ‘di makaligo ang mama. Ang masakit ayaw magpatabi ng asawang si Aling Marya na tulad ang sentimyento na ‘di tumaas ang pagkonsumo ng tubig subalit tumataas ang buwanang bayarin. Ang masakit nabaling sa mga anak ang pagkainis at pinakalkal ang tubo ng tubig upang mabatid kung may tagas. Resulta, negatibo, alang tagas o sadyang tumaas ang bayarin sa parehong pagkonsumo. Sa pagpasok ng tag-init, doble ang kaba ng mag-asawa at inaasahan sa mas malaking bayarin. Sa abiso ng pagtitipid sa pagkonsumo ng tubig, umaasa ang pagtaas ng bayarin. Ano ang rason sa pagtaas ng buwanang singilin?

Sa pagtanaw, tila bumabalik ang kasaysayan na ang punong tagapagpaganap ang isa sa mga gumaganap bilang bida. Sa pagbalik sa Balite sa Malacanan, inaasahan na magpapatupad ng anumang pagbabagong ibig sa bansa. Subalit, ang pagbabalik sa marangyang buhay ang tatak ng dati at kasalukuyang lider. Sa halip na pangunahan ang ibig na negosyo hinawakan sa mga kaibigan ng ‘di mapansin ni Mang Juan. At minsan sa kasaysayan, nariyan ang isang negosyante ang biglang nagmamay-ari ng negosyo na parang tabo sa pagsalok ng kaperahan. Sa pagsalok ng kaperahan, naging matakaw sa pagkamkam ng iba’t – ibang negosyo na batid kung sino ang tagong nagmamay-ari. At ng masipa sa silyang kinauupuan, kabi-kabila ang takbuhan sa ibang lugar ng mga kaibigang negosyante na tumayong nagmamay-ari ng kompanyang nasa listahan ng pumasok na pamahalaan. Hindi nagtagal at nakuha ang maraming kumpanya at naibalik sa mga dating nagmamay-ari. At tila pamilyar ang kaganapan sa una sa kasalukuyan.

Ang pagsasalin ng negosyo na limpak limpak ang kita’y karaniwang kalakaran higit sa mga naglalakihang negosyo na ibibigay ang isa nang ‘di mapasama ang marami. Subalit dama ang paglago ng ari-aria’t kaperahan ng kung sinong negosyante na malapit sa taong nasa puno ng Balite ng Malacanan. Malinaw ang dahilan ng pagpaparaya’y ang ibigay ang ilan ng ‘di maabala ang pangunahing negosyo na pinasok sa unang panahon. Dahil batid sa bansa ang pagkakaroon ng weather – weather sa kung sino ang malapit sa puno ng Balite ng Malacanan siyang aani ng bunga.

Ang pagsusugal sa halalan higit malaki ang tinaya ang kilos ng negosyante na ibig magpalaki ng negosyo’t kaperahan. Sa totoo lang, ang sumugal sa halalan noong 2022 ang siya ngayong pinakamayamang tao sa bansa. At patuloy na yumayaman sa lakas sa taong naka-upo sa kapangyarihan. May rason ba para ‘di makuha ang pang-unang pwesto sa pinaka mayayaman sa bansa.

Sa isang pagsasaliksik nabatid na ibig ng dakilang mamumuhunan na makuha ang malaking negosyo na nagpapalakad sa Malampaya. At tila ihahain ng Kagawaran ng Enerhiya sa kaibigan ni Boy Pektus sa pamamagitan ng pagtatanggol sa kompanya ng tagatustos ni Boy Pektus noong nakaraang halalan. Hindi nagtaka ang mga taga-pagmasid sa kilos ng Kagawaran ng Enerhiya kung bakit sila ang nagtatanggol sa kumpanyang ibig makakuha ng negosyo sa Malampaya. O’ ibig sabihin nito na ‘di na magpapatuloy ang Shell at Chevron sa negosyong ibig dahil sa paliwanag ng mga tao sa Kagawaran? Ano ang rason?

Sa kasalukuyan patuloy ang pagtaas ng pag-aari ng kaibigan ni Boy Pektus na bumubuhat sa mga daungan, sugalan at maraming negosyo sa bansa. At ngayo’y ibig ihain ang negosyong malapit sa sikmura ng karaniwang tao. May tubig na, ibig pang pasukin maging ang enerhiya. Dahil malapit sa taong nakaupo sa puno ng Balite ng Malacanan, walang magawa ang lehitimong negosyo kundi ang magpaubaya ng ‘di maapektuhan ang ibang negosyo sa kasalukuyan.

Batid na kung ano ang ibig o gusto ng kaibigan ni Boy Pektus dapat makamit ng ‘di mapagdiskitahan ang ibang malaking pagmamay-ari. Nariyan ang dating negosyante na nagbigay daan at pinaubaya ang Manila Water sa kasalukuyang nagpapatakbo na pasanin ni Mang Juan. Di batid ni Mang Juan ang kaganapan at ang alam ay ang binabayaran.

Sa pagbabalik sa Balite ng Malacanan, bumalik ang paraan ng pangangalap ng kaperahan sa paggamit ng mga kaibigang negosyante na handa na gamitin ang salapi upang magpalaki ng pagmamay-ari. Hindi sini-sino kung ang masasagasaan dahil ang mahalaga’y magkamal ng salapi sa pamamagitan ng kapangyarihang minsang nagisnan. Ang paraan sa nakaraan ang gamit sa kasalukuyan at medyo pinagaganda ng maiwasan ang batakan sa kinabukasan.

Ang paggamit sa mga kaibigang negosyante ang behikulong gamit sa pagkamkam sa negosyong ibig at mahalaga sa bayan. Sa totoo lang, ang pagkamal ng yaman ang karaniwang gawa sa nakaraan na hinuhubog ng legalidad sa kasalukuyan. Tunay na pinaganda at binibigyan mukha ng di mawala sa pagbaba. At kung bababa sa upuang minsang hinawakan ng amang sinipa.

Hindi katiyakan ng matagalang paghawak sa negosyong ibig na hawak sa pagpasok ng bagong kroni na tunay na may puhunan, Ang kilos na gawa sa nakaraan na may debuho ng legalidad at mukha’y ‘di nagtagal at nabawi ng katotohanan. Hindi sa inyo ang lahat ng panahon dahil tulad ng laro bilog ang bola na minsan mapalad at minsan may kamalasan. At tulad ng gulong na minsang nasa ibabaw at sa pag-ikot ay mapapasailalim at kakapitan ng dumi.

Sa totoo lang, ang unahin ang kagalingan ng bayan at ‘di pansarili ang gawin ng ‘di malimutan ng baya’t kasaysayan. Hindi kailangan ipaglaban ang dulo ng pinaghihimpilan dahil bayan ang magsasabi kung saan ang ang nararapat na tigilan ng taong mabuti ang ginawa. Hindi kailangang umasa sa kung sino ang may timon sa bansa dahil ang bayan ang magsasabi ng dapat paglagyan.

Ang mabuting gawa ‘di kailangan rasonan ng makamkam ano mang yaman. Hindi madadala sa huling hantungan ang yaman higit ang ‘di pag-aari. Walang rason kahit ang pinaka mayamang kroni kung lehitimong nakamit ang yaman at galing sa malinis na paraan. Huwag isanla ang kinabukasan at gumawa ng kung anu-anong rason na bukudo ng taong bayan.

Maraming Salamat po !!!!