Alcantara swak sa doubles semis sa China tennis tourney

PINATALSIK nina Filipino Francis Casey Alcantara at Chinese Fajing Sun sina Philip Henning at Kris van Wyk, 6-1, 4-6, 10-8, Lunes para marating ang men’s doubles semifinals ng Jinan Challenger 50 event sa China.

Makakaharap nila ang Korean Yun Seong Chung at Japanese Yuta Shimizu, na nagwagi kontra Chinese Taipei’s Tsung-Hao Huang at Tung-Lin Wu, 7-6 (2), 3-6, 10-3, sa quarterfinals.

Nakaraang Linggo, Alcantara at lokal Ray Ho ay nabigo sa Indian Sai Karteek Reddy Ganta at Thai Wishaya Trongcharoenchaikul, 6-7 (8), 3-6, sa semifinals sa second leg ng M25 event sa Chinese Taipei.

Sa first leg,Alcantara at Vietnamese Nam Hoang Ly ay nasibak sa first round kay Ying-Ze Chen ng Chinese Taipei at Yun Seong Chung ng South Korea, 4-6, 2-6.

Sa Thailand, Alcantara at Thailand’s Maximus Jones winalis ang dalawang leg M15 Nakhon Si Thammarat tournament.

Nagtagumpay rin siya sa Chennai, India kasama ang Indonesian Christopher Rungkat.

Alcantara ay sumabak sa 21 tournaments ngayon taon. Siya at Sun ay runner-up sa Nonthaburi 2 Challenger sa Thailand, Nabigo kina Manuel Guinard at Gregoire Jacq ng France, 4-6, 6-7 (6).

Alcantara ay nakapasok sa semifinals sa Anning, China (with Rungkat); Bengaluru, India (with Japanese Kaichi Unchida); at Nonthaburi Challenger 1 (with Uchida).

Ang 32-anyos pride ng Cagayan de Oro City,Misamis Oriental ay kasalukuyang No.218 sa world’s doubles rankings. Nakamit niya ang career-high No.162 nakaraang Pebrero.