BJMP: Walang special treatment kay Marcoleta

TINIYAK ng Bureau of Jail Management and Penology (BJMP) na walang special treatment na ibibigay kay Senador Rodante Marcoleta kasunod ng paglipat nito sa Quezon City Jail nitong Miyerkules.
Ayon kay BJMP Spokesperson, Jail Superintendent Jayrex Bustinera, sa mensahe sa mga reporter, na-commit si Marcoleta sa Quezon City Jail Male Dormitory 10:49 ng umaga.
“The BJMP assures that no special treatment will be given to any [person deprived of liberty] under the Bureau’s custody,” ani Bustinera.
Bago ito, ipinag-utos ng Sandiganbayan Third Division ang paglipat kay Marcoleta mula sa PNP General Hospital patungo sa naturang kulungan matapos siyang ideklarang “fit to travel”, makarekober sa mild pneumonia, at makontrol ang kanyang hypertension.
Naaresto si Marcoleta Hulyo 6 kaugnay ng kasong plunder na may kinalaman sa hindi niya pagdedeklara ng P75 milyong campaign donations noong 2025 midterm elections.
Samantala, hindi na-arraign nitong Miyerkoles si Marcoleta matapos maghain ng motion to quash sa kaso.
Ang kaniyang co-accused sa plunder na sina Mike Defensor at 2 pa ay na-arraign.