Chief tanod patay sa ambush

Patay ang 50-anyos na hepe ng barangay tanod sa Sitio Tabura, Barangay Del Rosario, Quezon, noong Martes ng umaga.

Kinilala ang biktima na si Isidro M. Girao.

Ayon sa imbestigasyon, pauwi na sana ang biktima mula sa kanyang sakahan nang sumulpot ang isang lalaki at pinagbabaril ito ng ilang beses.

Namatay si Girao sa lugar. Tumakas naman ang suspek at nagsasagawa ng manhunt at follow-up operations ang mga pulis.

Sinabi ng pulisya na dati nang naaresto ang biktima dahil sa frustrated murder.