Heaven waging best actress sa Japan; Lotlot hiniling na irespeto ang pamilya lalo si Mama Guy
Advertisers
Ni ROMMEL PLACENTE
MAY panawagan si Lotlot de Leon sa publiko na irespeto ang pribadong buhay ng kanyang pamilya pati na ang namayapa niyang inang si Nora Aunor
Sa pamamagitan ng kanyang legal counsel, ang Estur & Associates Law Firm, naglabas ng official statement si Lotlot kahapon, May 25, kaugnay ng malilisyosong balita na may kaugnayan sa pagkamatay ng National Artist for Film and Broadcast Arts at Superstar na si Ate Guy.
Ayon sa abogado nina Lotlot, alam nilang public property na maituturing si Lotlot ngunit hinihiling nga nila na igalang at irespeto ang privacy nito sa gitna ng malilisyosong chika na naglalabasan sa social media.
“This serves as notification to the public that Estur & Associates Law Firm through its Managing Lawyer, Atty. Mark Julius C. Estur, will be representing Ms. Charlotte Jennifer ‘Lotlot’ Villamayor de Leon-El Soury in all matters related to the recent events which have placed her in false light and malicious narratives.
“In light of this development, Atty. Estur respectfully requests that the public and media respect Ms. de Leon’s right to privacy.
“We understand the public interest in Ms. de Leon’s life is high, but we urge everyone to respect her boundaries and allow her the privacy she deserves.
“Any concerns or issues regarding Ms. de Leon will be addressed through proper channels and forums, and we will not engage in online debates or respond to personal attacks,” bahagi ng official statement ng kampo ng award winning actress.
***
BONGGA si Heaven Peralejo dahil siya ang tinanghal na Best Actress sa Jinseo Arigato International Film Festival sa Japan.
Ang kanyang panalo ay dahil sa mahusay niyang pagganap sa horror-thriller film na “Lilim.”
Sa isang Instagram post, proud na ibinandera ni Heaven ang ilang memorable moments na kung saan ay personal niyang tinanggap ang kanyang tropeyo.
“Still in disbelief. Thank you for seeing me. Thank you for hearing me…This one’s for my director @red_mikhail @evolvestudiosph…and for my mom @luanneperalejo. We did it,” bungad niya sa caption.
Hindi rin niya nakalimutang pasalamatan si Boss Vic del Rosario ng Viva Films na tinawag niyang “tatay sa industriya”, at sina Boss Veronique, Boss Val, at Boss Grace, na patuloy na naniniwala sa kanya.