Top 1 wanted sa Caloocan, huli sa 5- minute response

Mabilis na naaresto ng pulisya ang isang wanted sa batas na may kasong Murder sa 5-minute response operation.ng Northern Police District (NPD).

Sa ulat kay NPD Director PBGen. Jerry Protacio ni Caloocan police chief PCol. Joey Goforth, nadakip ang tinaguriang #1 Most Wanted Person ng regional, district, at station levels ng pulisya.

Sa ulat, 4:30 ng hapon noong August 1, 2025, ng masakote ang akusado sa Tanigue Street, Barangay 14, Caloocan City.

Matagumpay na isinagawa ang police operation ng mga operatiba ng District Special Operations Unit (DSOU), Sub-Station 4 ng Caloocan City Police Station (CCPS), Warrant Section ng CCPS, Regional Intelligence Unit – NCR (RIU), at Police Station 4 Novaliches, QCPD.

Naisilbi ang Warrant of Arrest na may kasong Murder at walang pyansang inirekomenda ang hukuman sa akusado.

Nasa kustodiya ng NPD-Criminal Facility Unit sa Barangay 14, Caloocan City ang akusado habang hinihintay ang Commitment order ng korte para maiselda ito.(Beth Samson)