Bahrain handa na para sa Asian Youth Games

Ang first batch ng 141-atletang Team Philippines ay lilipad patungong Manama sa Oktubre 17, limang araw bago ang opening ceremony ng 2nd Asian Youth Games (AYG), ayon sa president ng Philippine Olympic Committee (POC) na si Abraham “Bambol” Tolentino noong Huwebes.

Sinabi ni Tolentino na ang misyon ay matumbasan o malampasan ang dalawang gintong medalya na napanalunan nina Pauline Lopez (taekwondo) at Mia Legaspi (golf) sa huling edisyon sa Nanjing, China, noong 2013.

Sinabi ni Tolentino na sa huling pagpupulong ng AYG sa Manama, inihayag ng mga host na may 4,250 atleta ang makikibahagi at sasamahan ng 900 team at technical officials at 700 coach.