HINDI KAIBIGAN ANG TSINA

Sa makabagong panahon na ligalig ang daigdig sa dami ng tao sa mundo ‘di ganap na makakatagpo ng kaibigang tapat. Tapat, na ‘di iiwan sa ano mang kaganapan sa buhay higit kung padausdos ang kabuhayan. Sa dami ng nakakasalamuha, marami ang tatayong kasama higit sa kasiyahan at pakinabang. Di mapapansin ang salang pakikitungo dahil dama ang kasiyahan na nagpapasigla sa pakiramdam. At may pagkakataong nakakalimot sa sarili na tila lumalabis sa pakikitungo na halos ibigay ang sarili para sa kaibigan. Ang sarap ng pagkakaibigan na ‘di mababayaran ng salapi higit kung dadaan sa pagsubok na ganap na lalabas ang kulay ng pagkatao. Ang pagsubok na susuungin ang landas ang paglalahad sa kadalisayan ng pagkakaibigan at ‘di naka-ayon sa pansariling pakinabang.

Sa kabilang banda, pumasok ang bansa sa maselan na pakikipagkaibigan o ugnayan sa isang kalapit bansa sa panahon na ang kaTimugan ang may tangan sa liderato ng bansa. Hindi malagkit ng pagkakaibigan ng bansa sa Tsina na tila magkapatid ang turingan ng mga puno ng bansa. Ang palitan ng mga mabulaklak na salita ang tila namumutawi sa bawat puno ng bansa. At halos ihandog ng lider ng bansa na si Totoy Oblo sa Tsina ang Pinas sa kaibigan bilang lalawigan ng banggit na bansa. Ang taliwas na tayo ng pinalitang lider ng bansa na tumayo sa laban sa pang-aagaw sa karagatang pag-aari ng bansa. Ang tayong pinagwagian sa isang pangmundong tribunal, ang UNCLOS, at iginawad sa bansa ang pagmamay-ari ng West Phil. Sea.

Nagpatuloy ang pagkakaibigan nina Onse at Totoy Oblo at ‘di magbabago higit sa pagpapaubaya ng lider ng bansa sa lantarang pang-aangkin ng Tsina sa karagatan na ganap na pagmamay-ari ng Pinas. Ang salang tindig ng pamahalaan sa gawa ng mga Tsekwa ang nagpabalasik sa loob ng Tsekwa na tuluyang ariin ang ilang bahagi ng karagatan ng bansa. Ang kapalit, mga pasugalan dinadayo ng mga Tsekwa na pinagkakitaan ng mga kawatan mula sa kaTimugan. Ang pagpasok ng Tsekwa sa mga pasugalan ang palipasan ng oras ng mga Tsekwa na ‘di magawa ang mga bagay na bawal sa kanilang bansa na pinahintulutan sa bansa kapalit ng kaperahan at sa ngalan ng pagkakaibigan.

Nagpatuloy ang pagkakaibigan ng mga bansa ngunit kapansin pansin ang malaki ang pakinabang ng mga Tsekwa sa banggit na ugnayan. Ang walang habas na pagpasok ng mga barkong dayuhan sa karagatan ng bansa ang bentaheng sinasamantala sa pagkakaibigan. Ang masakit ang karagatang pinagwagian sa UNCLOS ay tila inabot sa kabilang lahi bilang dote sa pagkakaibigan. At ang ganap na dahilan na ginagamit ng mga Tsekwa sa pananaboy sa mga pamalakayang Pinoy at maging ang mga bantay karagatan ng bansa. Nariyan ang water cannon o ganap na sinasagasaan ng malalaking barko ng kaibigan ni Toto Oblo ang ating PCG at mga pamalakaya.

Sa totoo lang, ang usapin sa karagatan ng bansa’y ang silip ng bayan na nagpakabila ng baling sa pumalit na pamahalaan. Ang pakabilang baling ang ‘di inaasahan tindig sa pumalit na lider ng bansa dahil sa binigay na basbas ng nakaraang kaibigan. At ganap na luminaw na ‘di maka-Tsekwa ang pumalit sa dating tuta ni Onse sa malamyang minsang pagbisita sa bansa ng kabigan kuno. At ganap na nagbago ang pakikitungo ng lider ng Tsina sa bagong lider dahil sa dami ng pagbisita sa kanluranin sa halip sa bansa ng Tsekwa. At ang dahilan na tila hilaw na pagtangap ni Onse sa kaibigan na walang silbi. Ang pagbaba sa pwestong tangan sa nakaraan ang nagpalamig sa pagkakaibigan at nagdikta sa kasalukuyan na panahon ng itapon ang tutang puro kahol ngunit walang pakinabang.

Sa pagpapabayang tindig ni Totoy Oblo sa nakaraan ang rason sa pananalbahe ng Tsina sa karagatan ng bansa at ganap na inaari ang malaking bahagi ng ating karagatan. At ‘di lang ang usapin ng WPS maging ang Scarborough Shoal. Patuloy ang pagkamkam ng Tsina sa karagatan ng bansa na napagpasyahan na sa UNCLOS, uulitin ang Pinas ang nagmamay-ari ng mga karagatang naiibigan ng Tsina. Ang pagbaling ng pumalit na pamahalaan palayo sa Tsina ang ‘di ibig ng mapagkunwaring kaibigan ngunit ang tamang hakbang na ginawa ni Jun Singhot. At ganap na nahubaran ng maskara ang Tsekwa, ‘di kaibigan ang bansa ni Onse sa kilos nitong pakinabang ang ibig higit sa bansang kinakatawan.

Nakakabahala ang galaw ng Tsina na nasilip ng mundo na ibig na mahawakan ang mga lagusan ng mga kalakal na ganap na magdidikta sa uri ng kalakal na padadaanin sa lagusan sa karagatan ng bansa. Ang pagtatayo ng Tsina ng mga pasilidad sa karagatan ng bansa ang pagsisiguro na mapapanghawakan ang lagusan na magbibigay sa Tsina ng kalamangan sa larangan ng kalakalan. At ang ‘di ibig na maganap ng mga kanluraning bansa.

Sa kabilang banda, Mang Juan maging mapagbantay ng masiguro na ‘di mapapasa kamay ng Tsekwa ang mga karagatang binabakuran at inaangkin ng Tsina. Ang nagaganap na pagtatayo ng pasilidad sa mga karagatan ng bansa ang mala-kolonyal na pananakop na ‘di pansin ng bayan. Ang masakit ‘di nasisilip ni Mang Juan ang galawan sa halalan na nagluklok sa mga aso ni Onse sa mga kapulungan higit sa bugok kupulungan na malinaw na bibit ang pakay ni Onse sa bansa. Ang halalan sa ’28 ang dapat ‘di mawala sa pandama ng bayan na tuwirang lalahukan ng mga mapagpanggap na magbebenta sa bayan sa dayuhang singkit, ang dapat bantayan ng ‘di maganap.

Ang mahalal ang lider na makiling sa Tsekwa ang lantarang galawan na naganap sa nakaraang halalan na patuloy na gagawin sa ’28 ng mawala ang pagtutol sa pagkamkam sa mga karagatan ng bansa at tuwirang pag-ayon bilang lalawigan ang ating bansa. Walang masamang tinapay sa mga Tsekwa higit sa mga Pinoy – Chinese na naninirahan sa bansa. Ang pagkakaibigan walang naduhagi ang ibig at ganap na kagalingan ng kapwa bansa ang isulong. Magising o’ bayan sa pagkakanlong sa mga korap na lider na silip ang kamangmangan na tuwirang tinatayaan ng dayuhan ng maisulong ang interes sa lupa’t karagatan ng mahal nating bayan.

Ganap na kailangan ang pakikipag-ugnayan sa mundo ngunit ang maduhagi sa pakikipagkaibigan ang iniiwasan sa kagalingan ng mamamayan. Maraming ulit na naipamalas ang kagalingan ng Pinoy sa dahilang sa Pinoy ang Pilipinas. Maharlika ang dumadaloy na dugo sa bawat Pinoy na ‘di papayag na maging alipin sa sariling bansa. Tandaan, hindi kaibigan ang nagnanasang sakupin ang bansa na pinamamalas ng Tsekwa.

Maraming Salamat po!!!!