Claudine Barretto kapatid ni Korina Sanchez ang bagong lovelife!

Ni ANNE VENANCIO

Patuloy ang pinag-uusapan sa social media ang Optimum Star na si Claudine Barretto matapos niyang isapubliko ang lalaking espesyal sa kanya ngayon, si Milano Sanchez, kapatid ng batikang broadcaster na si Korina Sanchez.

Sa Instagram post ni Claudine noong Oktubre 30, ibinahagi niya ang larawan kung saan nakayakap siya kay Milano na nakaupo sa silya habang magkahawak at nakangiti. Sa caption, isinulat ng aktres: “Can you really wait. No matter how long. No one will break me? Swear?” kalakip ang lovestruck emoji.

Nag-post din si Milano ng parehong larawan sa kanyang Instagram na may mensaheng, “The courtship starts now. No matter how long it takes, I will wait. No one will ever break you again,” kasabay ng kantang “Can We Just Stop and Talk Awhile.”

Ikinatuwa ito ng maraming netizens, lalo’t alam ng publiko ang masalimuot na marriage ni Claudine sa dating asawang si Raymart Santiago.