Enrile, nasa ICU dahil sa pneumonia – Sen. Estrada

ISINUGOD si dating Senate President at ngayo’y Chief Presidential Legal Counsel Juan Ponce Enrile sa Intensive Care Unit (ICU) ng hindi nabanggit na ospital dahil sa pneumonia.

Sinabi ni Senador Jinggoy Estrada na manipis umano ang tiyansang makaligtas si Enrile sa kanyang kalagayan.

“I have information that our colleague former Senate President Juan Ponce Enrile is currently in the ICU of an undisclosed hospital suffering from pneumonia,” pahayag ni Estrada sa gitna ng sesyon ng Senado kahapon.

“I heard from a very, very reliable source that he has slim chances of surviving,” ayon pa kay Estrada.

Kasunod nito, nanalangin ang Senado para sa paggaling ni Enrile sa pangunguna ni Sen. Joel Villanueva.

Samantala, kinumpirma naman ni Katrina na nasa ICU ang kanyang ama.

“Dad is in the ICU pa po. He isn’t doing too good,” ani Katrina.

Matatandaang nagdiwang si Enrile ng kanyang 101-taong kaarawan noong Pebrero 14 ng kasalukuyang taon. (Mylene Alfonso)