Sarah keber sa bashing

Ni ARCHIE LIAO

Naging viral noon ang tsika tungkol sa diumanoý pagpapalayas kay Sarah Lahbati ng tatay ng isang socialite sa isang after-party.

Ang espekulasyon: na-intimidate raw ang ex ng pulitikong nali-link kay Sarah.

Ang balita: hindi raw nagustuhan ng tatay ng nabanggit na socialite ang presence ng aktres kaya naman inutusan daw umano nito ang staff na pakiusapan na umalis sa venue ang aktres.

Sa nakarating na kuwento sa kanya, sinabi naman ng estranged mother-in-law ni Sarah na si Annabelle Rama na awang-awa siya sa ginawang pagpapaalis sa aktres sa naturang sosyal na restaurant sa BGC.

Aniya, hindi raw maganda ang ginawa sa kanyang manugang. Napahiya raw ito at pinagtinginan ng mga tao.

Hirit pa niya, hindi raw dapat na ganoon ang trato sa mga babae.

Sey pa niya, naawa raw siya kay Sarah na nag-iiyak nang pumasok sa sasakyan ayon sa ulat.

Sa kanya namang socmed account, makahulugan ang latest post ni Sarah na ipinalalagay ng kibitzers na sagot sa nangyaring insidente.

Caption niya: “Judge me na lang, katamad mag-explain.”

Umani naman ito ng samu’t-saring reaksyon sa netizens.

Ito ang ilan sa kanilang mga komento.

“I like her sense of humor. I actually am beginning to like her. I find her sensible and classy.”

“She’s a single mom and hustles hard. Good luck Sarah. And carry on with your nonchalance. Nobody has the right to judge you!”

“Lmao. G na G! Yan pala gusto.”

“Now im starting to love Sarah”

“Be brave Sarah, you are better than them, not worth your time.”
****
MTRCB, hindi pinayagan ang pampublikong pagpapalabas ng ‘The Carpenter’s Son’

DAHIL sa paglapastangan at pangungutya sa mga paniniwalang panrelihiyon, binigyan ng Movie and Television Review and Classification Board (MTRCB) ng X rating ang banyagang pelikulang “The Carpenter’s Son.”

Bigong tugunan ng “The Carpenter’s Son” ang mga eksenang lumabag sa pamantayan ng MTRCB hinggil sa paggalang sa pananampalataya.

Parehong niredyek ng Ahensiya ang dalawang bersiyon ng pelikula.

Nakabatay ang desisyon sa mga probisyon ng 2004 Implementing Rules and Regulations (IRR) ng Presidential Decree No. 1986, Article 201 ng Revised Penal Code, at Presidential Decree No. 960—mga batas na nagtatakda ng pamantayan sa prestihiyo, paggalang sa relihiyon at pagbabawal sa mga eksenang iniinsulto ang moralidad at kulturang Pilipino.

Sa unang ribyu, nilabag ng pelikula ang 2004 IRR ng PD No. 1986, Chapter IV, Section 1(f), subsection (c), na nagsasaad na ang isang materyal ay hindi angkop sa publiko kung ito ay “hayagang umaatake sa anumang lahi, kredo o relihiyon.”

Ayon sa Komite, “the film’s non-canonical and horror-oriented depiction of the childhood of Jesus Christ may be perceived as blasphemous or highly offensive to the predominantly Catholic population in the Philippines. Drawing from a Gnostic text regarded as heretical, the narrative portrays Jesus/The Boy as rebellious, malicious, or seemingly under demonic influence or spiritual attack—elements that significantly diverge from core Christian doctrines. The use of sacred religious figures and themes for ‘gonzo horror’ purposes may be interpreted as a direct affront to religious sensibilities.”

Pinagtibay ng ikalawang Komite ang unang X rating. Sabi nito: “After reviewing the themes and depictions in The Carpenter’s Son, the Committee has classified the film as ‘X’ because specific content violates established standards on decency, respect for religious beliefs and public morals as set forth in Philippine law and the MTRCB IRR.”

“This decision does not curtail artistic freedom but fulfills the Board’s duty to provide reasonable protection for minors, cultural values and deeply-held religious beliefs in a predominantly Christian country.”

Idiniin din ng Komite na:

Una, batay sa MTRCB IRR ng PD No. 1986, rated X ang isang materyal kung it “offends any race, nation, or religion; tends to undermine the faith and confidence of the people in their government or duly constituted authority; is immoral, indecent, contrary to law and good customs; or is otherwise injurious to the prestige of the Republic of the Philippines.”

Pangalawa, nalabag din ang Presidential Decree No. 960. “The material was found to contain depictions of mutilation, destruction, defilement or disrespect of objects of religious veneration; and, acts notoriously offensive to the feelings of the faithful.”

Sinabi rin ng Komite na nalapastangan at naabuso ang mga simbolo o ritwal na panrelihiyon, paggamit ng imaheng panrelihiyon sa kontekstong sekswal, karahasan at paglalantad ng banal na imahe sa paraang maaaring ituring na sinadyang paghamak at hindi lehitimong artistikong interpretasyon.

Pangatlo, ipinagbabawal ng Article 201 ng Revised Penal Code ang “immoral or indecent exhibitions” at content na nakakasira sa imahe ng bawat relihiyon.