Obispo: Mass resignation sa gobyerno, papabor lang sa oportunista

BINIGYANG-DIIN ni Bishop Emeritus Antonio Tobias DD ng Diocese of Novaliches nitong Miyerkules na ang “mass resignation” ng mga opisyal ng bansa, simula kay Pangulong Marcos Jr, ay maaaring magbukas ng pagka-kataon para sa “opportunists.”

Sinabi ito ni Bishop Tobias sa isang thanksgiving mass sa House of Representatives.

“Kaisa ako ng aking mga kapatid na obispo sa kanilang pangkalahatang panawagan para sa pagbibitiw ng lahat ng mga opisyal—mula sa Pangulo hanggang sa Bise Presidente hanggang sa huling senador at kongresista,” sabi ni Tobias. “Ngunit sumasama ako sa aking mga kapatid na obispo sa pag-iingat na ito ay… mapanganib… dahil ito ay maaaring magbukas ng daan sa mga oportunista para sa pangangamkam ng gobyerno. Delikado talaga. Hindi ba?”

Hinimok ni Tobias ang mga opisyal na sundin ang payo ng mga eksperto sa Konstitusyon at batas, at binanggit si House Deputy Minority Leader Leila de Lima bilang isa sa mga eksperto.

Nagpasalamat si De Lima sa obispo, at sinabi: “Nagpapasalamat din kami sa kanya at sa lahat ng iba pang pinuno ng Simbahan sa pangunguna sa panawagan para sa transparency at accountability sa ating gobyerno.”