DHSUD INUTIL SA REKLAMO LABAN SA VICTORIA DE MORATO?

Tapos na ang SEMANA SANTA bilang paggunita sa naging paghihirap ni LORD JESUS CHRIST noong Siya ay nasa lupa pa lamang bilang pagtubos sa mga kasalanan ng tao.., subalit ang paghihirap ng mga CONDO UNIT OWNERS ng VICTORIA DE MORATO na matagal nang nagrereklamo ay hindi pa rin magawang isalba ng DEPARTMENT OF HUMAN SETTLEMENTS AND URBAN DEVELOPMENT (DHSUD) mula sa manipulasyon ng NEW SAN JOSE BUILDERS INC (NSJBI) na negosyo ng dating DHSUD SECRETARY at ngayo’y PRESIDENTIAL ADVISER ON PASIG RIVER REHABILITATION SECRETARY na si JOSE RIZALINO “JERRY” ACUZAR.

Bunsod nito, ang ilan sa CONDO UNIT OWNERS ng VICTORIA DE MORATO ay nanawagan na sa BANGKO SENTRAL NG PILIPINAS (BSP) para siyasatin ang transaksiyon ng NSJBI at ng BDO UNIBANK dahil mula pa noong 2017 ay silbing INUTIL umano ang DHSUD.., na hindi katakataka dahil si ACUZAR ang DHSUD SECRETARY hanggang 2025 at maging sa panunungkulan ngayon ni DHSUD SECRETARY JOSE RAMON ALILING mula May 29, 2025 hanggang ngayon ay walang aksiyon laban sa mga naging paglabag ng NSJBI.

Sa punto ng CONDO UNIT OWNERS ay hindi napairal ang CONSUMER PROTECTION AND MARKET CONDUCT OFFICE kaya nanawagan ang mga ito sa BSP na magsagawa ng SPECIAL AUDIT/INVESTIGATION hinggil sa BDO’s LOAN MANAGEMENT para sa VICTORIA DE MORATO na proyekto ng NSJBI.

“It has come to my attention that BDO Unibank provided a credit facility/loan to NSJBI for this project amounting to approximately ?1.3 Billion. Why was the ?1.3B released when the project has been stalled since 2017? I am a victim of a project that was vouched for by the financial backing of a major bank,” saad ng isang CONDO UNIT OWNER.

Mga ka-ARYA.., sa ilalim ng MANUAL OF REGULATIONS FOR BANKS (MORB) at sa BSP CIRCULAR 855 ay nire-require sa mahigpit na pagmo-monitor para sa “PROJECT FINANCE”.., subalit pinayagan ng BDO ang FULL DISBURSEMENT ng P1.3 bilyon sa NSJBI sa kabila na ang proyekto ay bigo sa construction requirement at hinayaan na lamang na hindi tapos ang proyekto at peligro ang seguridad ng mga nagsibili ng CONDO UNITS.

“As a supervised institution, BDO has a responsibility to ensure that the projects they finance follow legal requirements such as Occupancy Permits/DHSUD registration. Their failure to verify these documents before or during the loan lifespan constitutes gross negligence. The bank’s lack of oversight allowed NSJBI to utilize massive amounts of capital while leaving buyers like myself with an unfinished, unsafe structure,” pagpupunto ng isang CONDO UNIT OWNER.

“I am an outright cash buyer of Victoria de Morato. I paid in full in 2017, expecting a home by December 2017. It is now 2026, and the building is still an incomplete shell,” pagpo-protesta pa ng isang CONDO UNIT OWNER na 8-taon na ang lumilipas ay wala pa ring CERTIFICATE OF OCCUPANCY o CERTIFICATE OF COMPLETION ang naturang proyekto.

PAGING SECRETARY ALILING.., matagal na palang dumudulog sa inyong tanggapan ang tila mga nabudol ng NSJBI pero wala kayong aksiyon, nasaan na ang garantiyang seguridad sa mamamayang nagsipagnais na magkaroon ng progresong kabuhayan at sariling magiging tahanan o baka naman depende sa level ng DEVELOPER na kung kaibigan nyo ay hindi maaaring patawan ng sanctions?

***

Kung may reaksiyon lalo na sa mga nakakanti ng ating kolum ay maaari po kayong mag-email sa corpuzirwin074@gmail.com para sa inyo pong mga panig.