TAMA NA ANG FAKE NEWS

Paulit – ulit ang salang balita na mapanglilo higit galing sa tao na may usapin sa dangal at kinain ng ambisyon. Walang pagduda ang ‘di pagkagiliw ni Marites sa kasalukuyang pangulo at naglabas ng ‘ salang balita na napanood sa media at social media. Walang pagtutol sa banggit na kakulangan ng punong ehekutibo higit sa mga pangakong napako. Sa totoo lang, ‘di maka-administrasyon ang Batingaw subalit ganap na sala ang paglalabas ng ‘di tamang impormasyon hinggil sa kalusugan ng tao higit ng pangulo ng bansa na tampok na balita sa media’t social media. Dahil may pakpak ang balita higit sa social media naging tampok si Jun Singhot dahil sa haba kuno ng pila ng mga sasakyan patungo sa isang kilalang ospital na may tatak kuno ng Malacanan. Ngiti’t kibit balikat ang tugon sa salang balita o fake news.

Tunay na nakakapanlumo ang salang balita, sa pinatatamaan, sa nakikinig o nagbabasa sa dahilan ng kawalan ng pagpagpapalalim sa inilalabas na balita. Hindi maisip kung bakit kailangang maglabas ng salang balita gayung hilaw ang pinagkunan ng impormasyon. O’ sadyang paninira ang layon at naggagaling galingan ngunit tulad ng balitang ikinakalat ang ulo’y hungkag. Nakakapanghinayang na sa loob ng maraming panahon na ipinakita, ang kamangmangan ang nasilip sa huling bahagi ng buhay dahil sa ambisyon. Tunay na marami ang mapag kunwari o nagkunkunwari na may kagalingan ngunit iilan ang may bitbit ng kadalisayan hanggang sa huling bahagi ng buhay. At ang dating tinitingala ngayo’y patuloy na nililingon dahil isinabit ang sarili sa salang balita na higit na nagpakilala sa pagkataong dala, ang kamangmangan.

Banggit ang kamangmangan dahil ‘di tumigil sa pagkakalat ng salang balita at pinalalamanan ng salang pagmamasahid dahil ‘di nasilip ang ganap na kalagayan ng pinatutukuyan. At heto sumakay sa ‘di pagsipot ng pinatutukuyan sa isang gawain sa palasyo at bumuo ng pagbubuod na may maselan na karamdaman ang pinatutukuyan. Sa totoo lang, hindi nakuha ni Marites ang atensyon ng pinatutukuyan o kulang sa pansin at pina-iigting ang atake nang kahit paano’y nabigyan pansin. Marami ang nanonood na kapanalig mula sa kaTimugan ang natutuwa dahil nakakapanood ng komedya kahit yumao ang Patsi at Chichay, malamang iilan ang may kilala sa banggit na ngalan.

Sa paglaganap ng salang balita o fake news silip ang nagngingisihan o nagtatawanang kaTimugan na kahit sandali’y nakadama ng hangin. Sa pagdama ng panandaliang hangin ‘di maalis sa isip kung gaano kalaki ang inilabas na salapi upang pabahain ang social media at media sa pagbitbitng salang balita. At marami ang nagdadasal na sana’y matuluyan at ganap na makaupo ang ibig na maging lider na sala sa lahat ng bagay. Sa kabila ng mga salang balita, umaasa na ‘di malililo ang tao higit ang mga tumututok sa katotohanan na ang usaping nasa harap ay gawa ng mga mangmang ng kaTimugan na umaasang matatakpan ang malapit nang pagpapasipa sa nanay ni Mary Grace Piattos.

Sa pagsusuri malinaw na bumuo ng grupong aatake sa administrasyon ng makuha ng atensyon ng bayan upang higit na maging makatotohanan ang balitang ipinakakalat. Ang pagkuha ng mga taong may mataas na kagalingan ang pinupuhunan sa pagkalap ng mga maniniwala. Subalit ‘di nkita na ang nakuha’y isang hungkag na ngayo’y buta ang pagkatao sa mata ng taong bayan. At maaring idagdag na ‘di nakita ang ang sariling gawang katiwalian sa panahon ng panunungkulan at pagiging takwil sa bayan sa pagpanig sa singkit na among dayuhan.

Sa kasalukuyan uso ang salang balita o fake news na pinanghahawakan ng mangmang ng kaTimugan na magpapaba sa kamulatan ng tao sa laylayan sa gawang sala ni Inday Salakay. Malinaw pa sa tubig batis ang salang gawa ng abalang pangulo at ang maghasik ng salang balita ang tanging galaw na magpapabagal sa pagpapasipa kay Inday Salakay. Hindi alintana ang paggamit ng salaping nakaw dahil ang ‘di maalis sa poder na tangan at hayaang makatakbo sa susunod na halalan ang panghahawakan. Ganap sa isip ng kaTimugan na mananalo sa halalan at madaling maibalik ang nawalang salapi at maaaring magdalawa ang laki sa una higit ng salaping bayan. At hindi lang ang banggit sa itaas ang layon ng kaTimugan, humanda ang mga taong silip na ‘di kakampi at doble ang balik na haharapin sakaling makabalik ang kaTimugan sa pamahalaan.

Nasa bayan ang pagkakataon na magsuri sa mga nagaganap sa lipunang ginagalawan at alamin ang tama sa mali. Huwag hayaan na ang salang gawa ang umiral sa bansa at tangapin na ito ang kalakaran sa kasalukuyan. Ang tama’y ‘di kinokompromiso na dapat tayuan at ipinagtatagol ng ‘di maging karaniwan ang pagnanakaw sa kabang bayan. Ang pananahimik ang ibig ng mga manlililo sa kaisipang tanggap ang salang gawa ng nakakarami. Ang paggawa ng tama ang siyang hangaan sino man ang may likha higit kung nakakabuti sa nakakarami. Hindi kailangan ang magpakabayani at ibuwis ang buhay, ang kailanga’y sagkain ang mali at itama ng ‘di makagawian. Marami ng panahon na nagdurusa si Mang Juan, ang tao sa laylayan at ang bayan na panlililo ang gamit ng may sabing may talino na ‘di lumalaban ng harapan sa bayan.

Sa totoo lang, gising na si Mang Juan at ang mga naglabasang salang balita’y ikinikibit balikat at isang komedya at ang ibig, pagbabagong dama at may kabukuhan. Ang sipa ng panlililo ng kaTimugan at mga alipores nito’y hinihintay ng bayan na maganap ng ang kagalingan ng bayan ang mapagtuunan. Dama ang ibig na pagbabago ngunit sa panahon ng pagsulong di mawala ang pagsubok na balakid na tuwinang hinaharap ng anumang pamahalaan. May ilang taon pa si Jun Singhot, itulak gawin ang makabuluhang pagbabago ang hanap ni Mang Juan at tao sa laylayan. At sipain ang mga nagpapakalat ng salang balita o fake news. Tama na ang fake news at tumuloy sa pagkakaisa at di nag-iisahan.

Maraming salamat po!!!!