NBI SINUBPOENA 3 VLOGGERS NAGKALAT NA ‘GRABE’ SI PBBM

KINUMPIRMA ng Presidential Communications Office (PCO) nitong Lunes na naglabas na ng subpoena ang National Bureau of Investigation (NBI) laban sa tatlong vloggers na nagpakalat ng maling imporma-syon tungkol sa kalusugan ni Pangulong Ferdinand R. Marcos, Jr.
“Ang binigay na dokumento ng PCO para sa agarang malalim na pag-iimbestiga sa mga vlogger na nagpakalat ng pekeng patungkol sa kalusu-gan ng ating Pangulo ay nai-forward na sa NBI. At nagkaroon narin ng subpoena para sa karampatang pag-iimbestiga,” sabi ni PCO Undersecretary at Palace Press Officer Claire Castro.
Nauna rito, inendorso ng PCO, sa pamamagitan ng Anti-Fake News Desk (AFND), noong Abril 15 sa Department of Justice (DOJ) ang imbestigasyon at kaukulang legal na aksyon sa tatlong Facebook accounts na nagkakalat ng gawa-gawang impormasyon tungkol sa kalusugan ng Pangulo.
Tinukoy ni Castro ang tatlong accounts na “Crage Anderpal”, “Rigondola Ping”, at “Iloy Bugris: The Queen of Revelations.”
Sa pag-endorso nito ng rek-lamo sa DOJ, binanggit ng PCO na si Iloy Bugris ay naiulat na nagsagawa ng mga live na broadcast na nagsa-sabing ang Pangulo ay may malubhang karamdaman, habang si Rigondola Ping ay nag-post ng mga manipuladong larawan na naglalarawan sa kanya sa isang estado ng pisikal na pagkabalisa, at si Crage Anderpal ay nagbahagi ng mga gawa-gawang graphics ng balita na maling sinasabing opi-syal na kumpirmasyon ng isang malubhang kondisyon sa kalusugan.(Vanz Fernandez)