Advertisers

Advertisers

CAAP NAGBABALA SA AIRLINE OPERATORS NG MGA LIMITASYON SA ‘PORTABLE ELECTRONIC DEVICES’

0 136

Advertisers

MULING nagbabala ang Civil Aviation Authority of the Philippines (CAAP) para sa lahat ng Airline Operators Council (AOC) hinggil sa pagpapatupad ng mga limitasyon at hakbang sa kaligtasan para sa lithium battery, power bank, at iba pang portable electronic devices sa loob ng sasakyang panghimpapawid.

Ang Memorandum Circular No. 025-2026 na may petsang Abril 28,2026 ay nakalapat din sa mga operator ng aerodrome, ground handling agent, screening provider, freight forwarder at sa lahat ng entities na sangkot sa air transport operations.

Ang mga lithium battery ay maaaring magdulot ng mapanganib na antas ng init, magdulot ng ignition, short circuit, at magdulot ng mga sunog na hindi maapula kung kaya’t ipinagbawal ng mga kilalang aviation authorities ang mga lithium battery kapag naglalakbay, ayon sa tagapagsalita ng CAAP na si Eric Apolonio.

Mahigpit na ipinagbabawal ang lahat ng power bank na higit sa 160 watt-hours sa parehong internasyonal at lokal na mga flight, dagdag ni Apolonio.

Nakikipag-ugnayan ang mga flight operations officials ng CAAP sa mga lokal at dayuhang airline na nag-ooperate sa Ninoy Aquino International Airport at iba pang pangunahing paliparan sa buong bansa upang i-regulate ang paggamit ng mga power bank.

Ang mga aparatong ito, na inuri bilang mga portable lithium-ion battery pack, ay sinusuri kasunod ng maraming insidente ng sobrang pag-init ng mga power bank sa loob ng mga carry-on bag na nakalagay sa overhead compartment ng isang sasakyang panghimpapawid.

Sinabi ni Apolonio na maaaring magdala ang mga pasahero ng hanggang dalawang 100wh power bank ngunit hindi hihigit sa 100wh habang ang 101-160wh ay nangangailangan ng pag-apruba ng airlines.

Naiulat na hinigpitan ng PAL, Cebu Pacific at AirAsia ang mga patakaran sa lithium battery sa kanilang mga domestic at international flight. (JOJO SADIWA)