Puregold CinePanalo 2026, tampok ang 26 pelikula

Ni Beth Gelena

Ipinakilala na ang 26 pelikulang kalahok sa Puregold CinePanalo Film Festival 2026 sa ginanap na mediacon sa Quantum Skyview, Gateway Mall 2 sa Araneta City.

Kabilang sa pitong full-length films ang “Apol of My Ai,” “Beast,” “Mono No Aware,” “Multwoh (Patay Na Patay Sa’yo),” “Patay Gutom,” “Stuck on You,” at “Wantawsan.”

Kasama rin sa festival ang 19 student short films na nahahati sa apat na set. Kabilang dito ang “Starfish,” “Kun Hain, Bisan Diin.,” “Kanibal,” “Sa Mga Nagdaan at Lumipas,” “Limlim,” “Alumahan,” “When Heaven Inched Towards Earth,” “No Mad is an Island,” “Tingi,” “Ang Huling Banlaw ni Susan,” “Pulis Dunggab,” “The Sound of K,” “Nakabinbin,” “Nang Matakasan ang Tagay,” “Teks Battle: Shoot Pati Pato!,” “Kapag Tapos na ang Umpukan,” “12 Shots,” “Bumtak Sara ti Nuangen (The Carabao’s Horns Have Cracked),” at “Miss Intrams.”

Iba-iba ang tema ng mga pelikula, mula sa pamilya, pag-ibig at kabataan hanggang sa mga isyung panlipunan, identidad at mga karanasan ng ordinaryong Pilipino.

Ayon kay festival chair Ivy-Hayagan Piedad, “Every film in this year’s CinePanalo carries the passion of its creators.”

Gaganapin ang Puregold CinePanalo Film Festival mula September 23 hanggang October 4 sa Gateway Cineplex 18, TriNoma, Fairview Terraces, Ayala Malls Feliz, Ayala Malls Circuit, Ayala Malls Manila Bay at Market! Market!

P250 ang regular ticket, P200 ang discounted rate, habang P2,000 naman ang festival pass.