Bini Aiah ninakawan ng unggoy

Ni ARCHIE LIAO

Viral ang kumalat na Tiktok video kung saan habang nagfle-flex ng kanyang ganda si Bini Aiah sa Uluwatu temple sa Bali,Indonesia ay lumapit sa kanya ang isang wild na unggoy at ini-snatch ang kanyang suot na glasses.

Hindi nakahuma ang miyembro ng phenomenal Pinoy girl group sa pagkabigla.

Hindi lang kami sure kung na-recover ni Bini Aiah ang kanyang sunglasses sa tulong ng locals.

Ito naman ang samu’t-saring reaksyon ng kibitzers nang mapag-usapan ang nasabing development sa umpukan ng mga tsismosang kapitbahay.

“It’s not actually advisable to wear glasses or anything plastic there because they become targets for monkeys.”
“That’s scary. Good thing Aiah wasn’t hurt. And I hope the sunglasses are returned too (though they might be broken already)”
“That area is notorious to monkeys snatching cellphones.”
“Hahaha. Nasira ang moment niya.”
“Di ba tourists are warned to avoid taking selfies near monkeys in that area.”
“Glasses, cellphones and hats are hot items for monkeys in that area.”
“Grabe, helpless si Ate nang nanakawan siya ng unggoy.”

***

MTRCB, nakapagrebyu ng 99k film, TV material mula Enero hanggang Oktubre 2026

Inulat ng Movie and Television Review and Classification Board (MTRCB) na nakapagrebyu ito ng 99,689 film at television material mula Enero hanggang Oktubre 2026.

Tiniyak ni MTRCB Chair at CEO Lala Sotto na ang bawat material na isinumite sa Ahensiya ay dumaan sa maingat na evaluation at classification upang siguruhin na sumusunod ito sa regulatory standard at umaayon sa contemporary Filipino values.

Kabilang sa mga reviewed material ang 90,424 na television program, 6,223 na television plug, at 490 na pelikulang Pilipino at banyaga.

Sinuri rin ang 405 na trailer para sa mga sinehan, 866 na trailer para sa TV at iba pang venue, at 1,281 na ibang publicity material.

Sa ilalim ng Presidential Decree 1986, tungkulin ng Ahensiya na mag-classify ng mga sine, palabas sa TV, at publicity material gaya ng trailer at poster.

“These figures are proof of the professionalism, diligence and commitment of our Board in seeing to it that each movie and TV material is age-appropriate,” sabi ni Sotto.

“We shall continue to perform our mandate and advocacy of protecting young Filipino viewers from harmful content while empowering our parents to help guide their children’s media consumption habits,” dagdag niya.