Tserman huli sa granada at iligal na armas

NAHAHARAP sa patong-patong na kaso ang barangay chairman ng Calang, Dueñas, Iloilo nang lusubin ng mga awtoridad ang kanyang bahay dahil sa pagtatago ng mga armas na wala umanong papeles.
Kinilala ang inaresto na si Punong Barangay Joewinny Giganto, 59 anyos.
Ayon kay Police Major Jess Baylon, pinuno ng Criminal Investigation and Detection -Iloilo City Field Unit, nahaharap si Giganto sa kasong paglabag sa Republic Act 10591, Comprehensive Firearms and Ammunition Regulation Act, at Republic Act 9516 o Possession of Explosives.