Masasayang covid vaccine ‘di “justification” sa quick substitution list – Vergeire

HINDI maaring gawing “justification” na masasayang ang bakuna kung nakahanda umano ang substitution list.

Ayon ito kay Health Usec Maria Rosario Vergeire tungkol sa sinasabing okey na bakunahan ang mga non-health worker kung masasayang ang natitirang doses sa vials ng AstraZeneca.

Paliwanag ng opisyal, bago pa man magsimula ang vaccination program ng gobyerno malinaw aniya ang quick substitution list.

“They are instructed to call all those included in the list that anytime on that specific day na naka-schedule yang QSL nila, matatawagan…kaya nga sabi namin yung malalapit sa inyo ang tawagan ninyo para mabilis niyo silang ma-mobilize,” ani Vergeire.

Nangangahulugan na ang QSL ay mga frontliners o health workers pa rin at hindi ang non-health workers.

Dagdag pa nito, hindi maaring gawing justification o dahilan na masasayang ang bakuna kung nakapaghanda sa ibinigay na instruction ng DOH. (Jocelyn Domenden)