Kakai umayaw sa sabay-sabay na proyekto

Ni ROMMEL GON ZALES

MARAMI raw tinanggihang proyekto si Kakai Bautista dahil nga mahirap maglagari o mag-taping na sabay-sabay ng higit sa isang show sa panahon ng pandemya dulot ng COVID-19.

“Madami na rin po kasi ano dahil marami pong lock in so hindi ko na rin po magagawa o kung okay lang po sa kanila, yung kalahati ng katawan ko nasa First Yaya,  tapos yung kalahati nandun sa kabila, puwede naman siguro,” at tumawa si Kakai.

“Pero hindi kasi puwede so give up na lang yung iba.

“Hindi naman ako nagsisi, masaya naman.”

Para nga raw silang isang buo at masayang pamilya sa set ng First Yaya na umeereng teleserye ngayon sa GMA.

Isa si Kakai sa mga comic relief sa First Yaya ng GMA

Bida sa First Yaya si Sanya Lopez (bilang si Melody Reyes) at Gabby Concepcion (bilang Glenn Acosta); nasa nabanggit na teleserye rin sina Sandy Andolong (Edna Reyes), Pancho Magno (Conrad Enriquez), Gardo Versoza (Congressman Luis Prado), Glenda Garcia (Marni Tupaz), at Pilar Pilapil (Blesilda Acosta).

Kasama rin sa First Yaya ang tandem nina Cassy Legaspi (Niña Acosta) at  Joaquin “JD” Domagoso (Jonas).

Nasa First Yaya rin sina Boboy Garovillo (Florencio Reyes), Cai Cortez (Norma), Thia Tomalla (Val), Anjo Damiles (Jasper), Clarence Delgado (Nathan Acosta), Thou Reyes (Yessey Reyes) at sina Kiel Rodriguez, Analyn Barro, Jerick Dolormente, Princess Aguilar, Muriel Lomadilla, Nicki Morena, Allen Dizon, Frances Makil-Ignacio at Mikoy Morales.

Napapanood ang serye Lunes hanggang Biyernes, alas otso ng gabi, sa direksyon nina LA Madridejos at Rechie del Carmen.