Staff ni Cong. Rodriguez timbog sa shabu

CAGAYAN DE ORO CITY – Naaresto ng pulisya ang isang staff ni Deputy House Speaker at Cagayan de Oro 2nd District Representative Rufus Rodriguez na umano’y sangkot sa pagtutulak ng iligal na droga sa lungsod.

Kinilala ang nadakip na si Julius Datahan, 44 anyos, ng Barangay Camaman-an sa lungsod.

Sa ulat, ikinasa ng grupo ni Macabalan Police Station commander, Capt. Mario Mantala Jr., ang drug buy bust operation upang maaresto ang suspek.

Nakumpiska sa pag-iingat ni Datahan ang tatlong sachets ng shabu sa buy bust sa Isla Delta ng Barangay Consolacion Martes ng hapon.

Samantala, nagpaabot ng pagsuporta si Rodriguez sa naging hakbang ng pulisya para mahuli ang kanyang tauhan.