Mag-live in kinatay sa loob ng bahay

PATAY na at may mga taga sa katawan nang makita ng mga kapitbahay ang mag-live in na caretaker sa Talakag, Bukidnon.

Kinilala ang mga biktima na sina Dennis Morata at Josephine Ramos.

Bago maganap ang karumal-dumal na krimen, mayroon umanong tatlong tao na bumisita sa mga biktima na hindi pa tukoy ang pagkakakilanlan.

Nakita pa umano sa bahay ang tatlong baso na ginamit sa pag-inom ng kape.

Nagpapatuloy pa ang imbestigasyon ng pulisya sa krimen.