MPD crime lab nasunog

SUMIKLAB ang sunog sa isang opisina sa Manila Police District nitong Huwebes ng umaga.

Sa inisyal na ulat mula kay MPD Public Information Officer, Capt. Philipp Ines, nagsimula ang sunog 9:45 ng umaga sa Crime Laboratory ng himpilan.

Maagap namang nakaresponde ang mga bumbero kaya idineklarang fire under control 10:15 ng umaga.

Hindi pa batid ang sanhi ng sunog.

Tiniyak naman ni MPD CL Chief, Major Joselito Savares, na hindi naapektuhan ang iba pang nakaimbak na mga ebidensiya sa nasunog na tanggapan. (Jocelyn Domenden)