Alert Level 4 hindi pa idedeklara sa NCR – Malakanyang

SINABI ni presidential spokesman Karlo Nograles na hindi pa kinakailangan na isailalim sa Alert Level 4 ang Metro Manila sa kabila ng patuloy na pagtaas ng bilang ng COVID 19 cases.

“We are actively monitoring all of the metrics and parameters na dapat nating tingnan and even over and above that. As of the moment, hindi pa po siya tumatama doon sa tatlong metrics natin (the region is not hitting the three metrics) enough for it to declare Alert Level 4,” giit ni Nograles.

Paliwanag pa nito bagama’t mataas ang two-week growth rate at average daily attack rate, gayundin ang total bed utilization sa mga pasilidad, hindi pa inaabot ang metrics para sa total bed utilization rate para magdeklara ng Alert Level 4.

Una nang inihayag ng OCTA Research na sa kauna-unahang pagkakataon, umabot na sa 50 porsiyento ang positivity rate sa Metro Manila.

Epektibo ang Alert Level 3 sa Metro Manila hanggang Enero 15.