Higit 100K trabaho alok ng DOLE sa Independence Day job fairs

NASA 104,000 jobs ang available sa isasagawang Independence Day job fairs sa Hunyo 12.

Pahayag ng Department of Labor and Employment (DOLE), isasagawa ito sabay-sabay sa ilang bahagi ng bansa sa linggo.

Ayon kay Information and Publication Service (IPS) director Rolly Francia ng DOLE, asahan daw na tataas pa ang employment opportunities habang papalapit ang event.

Inaasahan din umano nilang malalagpasan nila ang 153,000 na patrabaho na inoffer sa job fair noong May 1 kasabay ng Labor Day.

Maliban daw sa processing ng job applications available rin sa mga job fairs ang vaccination laban sa coronavirus disease 2019 (Covid-19).

Ayon kay Francia inimbitahan din umano nila si President-elect Ferdinand Marcos Jr. sa main event ng Independence Day job fairs sa Malolos, Bulacan.

Sinabi naman ni DOLE Sec. Silvestre Bello III na inimbitahan din nila si outgoing President Rodrigo Duterte pero sinabi raw nitong hindi ito makakadalo sa isasagawang event.