PNP cadet nasawi sa ‘heat stroke’

NASAWI ang isang kadete ng Philippine National Police Academy (PNPA) dahil sa heat stroke.

Kinilala ang nasawing kadete na si Cadet Rafael Sakkam ng PNPA Class 2026.

Bumigay si Sakkam noong Hunyo 7 matapos ang isang afternoon road run.

Ilang araw namalagi sa ospital ang kadete bago ito sumakabilang buhay nitong Sabado.

Ayon sa PNPA, idineklara na cardiac arrest ang ikinamatay ni Sakkam, ngunit sa medical certificate at final diagnosis ‘heat stroke’ ang dahilan ng pagkasawi nito.

“Following the said incident, the Commandant, Tactics Group adopted tight measures and suitable interventions to guarantee sufficient hydration of all cadets during summer training and to prevent a repeat of the same from happening,” pahayag ng PNPA.

Sasagutin ng paaralan ang lahat ng gastos sa ospital at pagpapalibing kay Sakkam.