Juan Gomez de Liaño triple-double sa panalo ng Marinero vs La Salle

NAGTALA ng triple-double si Juan Gomez de Liaño upang tulungan ang Marinerong Pilipino na burahin ang EcoOil-La Salle, 84-64, sa PBA D-League Aspirants Cup, Martes sa Ynares Sports Arena sa Pasig.

Ang dating University of the Philippines standout ay umiskor ng 27 points on 10-of-18 shooting, tampok ang 12 assists, 11 rebounds at three steals sa 34 minutong aksyon.

Ang Skippers ay umangat sa 2-0 sa tournament,habang ang Green Archers ay nalaglag sa 1-1.

Jollo Go, na naglaro ng collegiate basketball para sa La Salle University, ay nagdagdag ng 17 points, habang si Adrian Nocum bumakas ng 11 points at three rebounds.

“Masaya kami na nakuha namin ‘yung game against La Salle,” Wika ni coach Yong Garcia.

“For me, credit ito sa players namin kasi na-run namin ng maayos ‘yung gameplan namin at binigay nila ‘yung best nila,” Dagdag pa nya.

Penny Estacio ang namuno sa opensa ng Green Archers sa iniskor na 13 points on 3-of-6 shooting mula sa downtown, at five rebounds. Filipino- American forward Michael Phillips nag-ambag ng 10 points at 12 rebounds.

Ang Iskor:
Marinerong Pilipino 84 — Gomez de Liano 27, Go 17, Nocum 11, Carino 10, Bonifacio 8, Gamboa 7, Bonsubre 2, Pido 2, Hernandez 0, Garcia 0, Lacap 0, Agustin 0.
EcoOil-La Salle 64 — Estacio 13, Manuel 12, M. Phillips 10, Austria 9, Galman 6, Buensalida 6, B. Phillips 4, Abadam 2, Cortez 2, Blanco 0, Escandor 0.