2 Most wanted timbog sa Bulacan

NADAKIP ng pulisya ang dalawang “most wanted persons” sa lalawigan ng Bulacan.
Sa report ni PNP Provincial Director, Col. Lawrence Cajipe, kinilala ang mga naaresto na sina Hadji Tumulak, ng Brgy. San Mateo, na No. 2 Most Wanted Person sa bayan ng Norzagaray.
Dinakip ang suspek sa bisa ng warrant of arrest sa kasong Murder na inisyu ni Hon. Judge Carl B. Badillo ng Regional Trial Court Bulacan, Branch 12.
Samantala, arestado rin si Errol John Randolf Ocampo, ng Brgy. San Roque ,Angat, Bulacan.
Kabilang si Roque sa top 17 Most Wanted Persons ng Angat MPS, at residente ng Barangay San Roque. Nahaharap ito sa kasong Rape sa sala ni Hon. Ma. Cristina G. Laderas ng RTC Branch 85. (Thony D. Arcenal)