Resolusyon para sa limited face-to-face classes okay na sa Senado

INI-ADOPT ng Senado ang resolusyon na nagrerekomenda na maibalik ang face-to-face classes sa bansa sa pamamagitan ng paglunsad ng pilot testing ng localized limited physical classes.
Pinagsama-sama sa na-adopt na Senate Resolution 663 ang mga resolusyon na ipinakilala nina Senate President Vicente Sotto III, Senator Sherwin Gatchalian at ng anim na iba pang senador.
“It is important to consider that not all households have the same resources and access to internet. Moreover, allowing teachers to see their students face-to-face, even on an intermittent schedule, will enable greater opportunities to check on the learning progress of the students and to provide needed instructional supervision and interventions,” ani Sotto.
“Likewise, the customary face-to-face classes prevent gaps and remove the inequality between those students who can afford an effective remote education and those in the marginalized sector,” wika ni Sotto.
Nakasaad sa resolusyon na ilulunsad ang pilot testing sa localized limited face-to-face classes sa low-risk areas na tutukuyin ng Department of Education sa ilalim ng risk-based assessment.
Isasagawa ang pilot testing na alinsunod sa mahigpit na mitigation measures, istriktong health protocols, at guidelines na itinakda ng Department of Health at ng Inter-Agency Task Force for the Management of Emerging Infectious Disease.
Una nang hiniling ni Sotto na gawin ang reopening ng mga paaralan para sa in-person classes sa mga lugar na konti o may zero cases ng COVID-19.
Ipinunto ni Sotto na mahalagang maibalik ang in-person classes para makahabol ang educational system na bansa sa mga karatig nitong bansa sa Asya.
Nilinaw naman ni Gatchalian, chairman ng Committee on Basic Education, Arts and Culture na hindi ito nangangahulugan na minamadali ang pagbabalik ng face-to-face classes. (Mylene Alfonso)