Carpio: Debate kay Roque walang katuturan

PATUTSADA ni ex-Supreme Court Justice Antonio Carpio na walang katuturan ang debate na inatrasan ni Pangulong Rodrigo Duterte nitong Biyernes.
Kasunod ito nang pagtalaga ng Pangulo kay Presidential Spokesman Harry Roque na haharap sa hamon nito kay Carpio na debate.
Nauna rito ay sinabi ni Roque na pinayuhan umano ng kanyang cabinet member at ilang senador ang Pangulo na huwag na ituloy ang debate kay Carpio hinggil sa pinag-aagawang teritoryo sa Pilipinas.
Giit ni Roque, handa niyang harapin si Carpio sakaling matuloy ang debate.
Samantala, naninindigan si Carpio na wala umanong basehan ang mga bintang ng Duterte administration sa kanya na sangkot umano ang dating SC Justice sa pagkasakop daw ng China sa Scarborough Shoal at Mischief Reef.
“I am ready to debate with the President or with anyone he may designate on the factual accuracy and adverse legal implications to the Philippines of the President’s repeated claim that ‘China is in possession of the West Philippine Sea,’” saad ni Carpio. (Josephine Patricio)