BOC-NAIA, NAKASABAT NG P13.3-M HALAGA NG MARIJUANA SA NAIA TERMINAL 1

NAKASABAT ang Bureau of Customs-Ninoy Aquino International Airport (BOC-NAIA) ng P13.3 milyong halaga ng marijuana o “kush” mula sa isang pasaherong dumating mula Thailand sa NAIA Terminal 1 nitong June 4, 2026.

Ang Pilipinong pasahero ay nakitaan ng kaduda-dudang imahe sa kanyang bahage nang sumailalim ito sa X-ray examination ng checked-in baggage, dahilan upang isang inspeksyon ang isagawa.

Ayon kay BOC-NAIA District Collector Atty. Yasmin Mapa, “a thorough physical examination of the luggage was immediately conducted which resulted in the discovery of 21 medium-sized packs, 42 small-sized packs and two medium-sized containers containing dried leaves suspected to be marijuana “Kush.” The items weighed approximately 8,910 grams with an estimated street value of P13,365,000.”

Agad umanong nakipag-ugnayan ang BOC sa Philippine Drug Enforcement Agency (PDEA), na nagsagawa ng K9 sniffing operation at kung saan nakakuha sila ng positibong resulta na may iligal na droga ang bagahe.

Ang kontrabando ay isinalin naman sa PDEA para sa laboratory examination, mas malalim na pagsusuri at case build-up.

Pinuri ni Customs Commissioner Ariel Nepomuceno ang “vigilance and professionalism” ng mga personnel na kumilos sa operation, kasabay ng pahayag ng patuloy na mahigpit na pagbabantay laban sa pagpasok ng mga iligal na droga sa bansa.

“The BOC-NAIA, under District Collector Atty. Yasmin Obillos-Mapa, continues to strengthen its border protection efforts through intelligence-driven operations, advanced screening technologies and sustained coordination with partner law enforcement agencies in support of the government’s campaign against illegal drugs,” aniya. (JERRY S. TAN)