Sotto ‘ok’ maging VP ni Lacson sa 2022

INIHAYAG ni Senate President Vicente “Tito” Sotto III na handa siyang tumakbong bise presidente ng bansa sa 2022 sa kondisyon na magdesisyong tumakbo sa pagkapangulo si Senator Panfilo “Ping” Lacson.

Ayon kay Sotto, may mga grupo ang lumapit sa kanila ni Lacson at hinihikayat na magtambal sa papalapit na halalan.

Sinabi pa ni Sotto na hindi ito ang tipo na magsasabing hindi tatakbo sa anumang posisyon pero sa mga susunod na panahon ay maghahain din ng kaniyang certificate of candidacy.

Ipapaalam aniya nito ang kaniyang desisyon na tumakbo sa pagka-bise presidente hanggang sa buwan ng Setyembre.