4 buwan beybi tinamaan ng kutsilyo sa ulo

MASUWERTENG nakaligtas at nasa mabuti nang kalagayan ang apat na buwang sanggol nang aksidenteng matamaan ng kutsilyo ang ulo nito sa Davao city.

Sa imbestigasyon, habang nagbabalat ng mais ang ina ng baby na si Melisa Antian, 21 anyos, ng Sitio Kailawan, Barangay Sto. Niño, Talaingod, Davao del Norte, aksidente nitong natamaan ng kutsilyo ang ulo ng kanyang anak.

Agad na humingi ng tulong ang isang residente sa lugar sa mga personahe ng Regional Mobile Force Battalion (RPSB) Davao del Norte Chapter “Pulis sa Barangay” na nadestino sa lugar na agad naman rumesponde kahit limitado ang kanilang medical supplies.

Ligtas na ang kalagayan ng bata pero inoobserbahan parin ang kalagayan nito.