106 COVID-19 positive nasawi kahit bakunado na! – FDA

KINUMPIRMA ng pamunuan ng Food and Drug Administration (FDA) na umabot sa 106 katao ang sumakabilang buhay matapos masapol ng COVID-19 kahit bakunado na.

Ayon kay FDA Director-General Eric Domingo, base sa kanilang talaan, 1,135 katao ang tinamaan ng COVID-19 kahit bakunado na ng first dose at second dose.

Sa naturang bilang, 106 ang nasawi.

Giit naman ni Domingo na bumababa na ang pattern.

Ibig sabihin mas mataas ang tsansa na mamatay ang isang COVID positive kung first dose pa lamang ang natatanggap kumpara sa mga fully vaccinated.

Sa kaso aniya ng mga fully vaccinated, pababa na ang kaso at halos zero na o wala ng nasasawi. (Josephine Patricio)