GM Joey Antonio lalahok sa Mariz Manalo open online chess tilt

LALAHOK si Grandmaster (GM) Rogelio “Joey” Madrigal Antonio Jr. sa napipintong Mariz Manalo Open Chess Championships na tutulak ngayong Linggo, Oktubre 17, 2021, 10 pm sa Lichess.org Platform.

Ating magugunita na si Antonio, 13th time Philippine Open champion kumuha ng runner-up trophy sa 27th World Senior Chess Championship 2017 (50+) na ginanap sa Acqui Terme, Italy noong 2017.

Masisilayan din ngayon weekend ay sina International Master Angelo Young, International Master Emmanuel Senador, International Master Barlo Nadera, International Master Chris Ramayrat Jr., International Master Michael Concio, Fide Master Alekhine Nouri, Fide Master Roel Abelgas, Fide Master Nelson “Elo” Mariano III, National Master Carlos, Edgardo Garma, National Master Levi Mercado, National Master Merben Roque, National Master Elwin Retanal, National Master Noel dela Cruz, National Master Cesar Mariano, National Master Jake dela Cruz at National Master Kim Kenneth Santos.

Ang one day event ay inorganisa ng Bayanihan Chess Club na suportado ni Mariz Manalo ng 1st district ng Mandaluyong na pamangkin naman ni International Billiards at Snooker champion Marlon Manalo kung saan ay may total pot prizes P5,000 sa mga magwawagi.