Bahay inararo ng van: 1 patay, 3 sugatan

NASAWI ang isang construction worker at 3 ang sugatan nang araruhin ng pampasaherong van ang mga bahay sa lalawigan ng Maguindanao.

Kinilala ang nasawi na si Saidina Esmael na residente ng Barangay Sapakan, Rajah Buayan, Maguindanao.

Ayon kay Rajah Buayan Mayor Jack Ampatuan, mabilis ang takbo ng van at nawalan ng control ang driver at inararo ang mga bahay sa gilid ng kalsada.

Patay si Esmael na nagpahinga sa duyan sa gilid ng kalsada at tatlong mga pasahero ng van ang nasugatan.

Agad namang sumuko ang driver sa Rajah Buayan Municipal Police Station (MPS) .